Kthim pas në kohë me Ilir Latifin 2

Kthim pas në kohë.

Gjatë këtyre ditëve, UFC Albania ka menduar t’ju rikthej në memorie momentet kyçe të karrierës së Ilir Latifit në UFC, duke filluar nga debutimi jo i zakontë ndaj Gegard Mousasi e deri në fitoren më të rëndësishme të karrierës së tij ndaj Ovince St. Preux.

UFC Fight Night 37 – 08 Mars 2014

Pas gati një viti mungesë, Ilir Latifi rikthehet në UFC ndaj Cyrille Diabate, që deri më sot është kundërshtari më i gjatë (198cm) që Iliri është përballur në karrierën e tij në MMA.

Ndryshe nga ndeshja e parë, këtë herë Latifi kishte mundësinë ti tregonte botës se çfarë ishte i aftë të bënte në kafaz nëse atij i jepej mundësia e një kampi të plotë stërvitor dhe jo vetëm disa ditë kohë si në rastin ndaj Mousasi.

Pikërisht këtë bëri. Iliri tregoi që ai nuk ishte thjesht dikush që UFC e kishte marr në rradhët e saj vetëm për tu mundur nga Gegard Mousasi e më pas të largohej. Atë mbrëmje ai tregoi se është një mundës shumë i mirë, është i rrezikshëm kur ndodhet sipër teje dhe mbi të gjitha është shumë i fortë fizikisht. Latifi arriti ta mbyllte ndeshjen në raundin e parë duke e kapur Diabate në një mbytje brutale.

Cyrille ishte një luftëtar me eksperiencë, një kikboksier i shkëlqyer (41 Fitore – 8 Humbje) i cili kishte arritur të përshtatej mjaft mirë në sportin e MMA duke koleksionuar 19 Fitore dhe vetëm 9 Humbje deri sa në rrugën e tij doli Ilir Latifi, i cili do të ishte edhe ndeshja e fundit në karrierë për luftëtarin francez.